Instalim

Windows ose macOS

OnionShare për Windows dhe macOS mund t’i shkarkoni që nga sajti OnionShare.

Celular

OnionShare për Celular mund të shkarkoni nga lidhjet vijuese

Linux

Ka rrugë të ndryshme për të instaluar OnionShare për Linux, por rruga e rekomanduar është ose për përdoret paketa Flatpak, ose Snap. Flatpak-u dhe Snapcraft-i garantojnë se keni përherë versionin më të ri dhe e xhironi OnionShare-in brenda një bankëprove.

Snapcraft-i mbulohet së brendshmi në Ubuntu dhe Fedora vjen me mbulim të Flatpak-ut, por cili të përdoret e keni ju në dorë. Që të dy funksionojë në krejt shpërndarjet Linux.

Instaloni OnionShare-in duke përdorur Flatpak-un: https://flathub.org/apps/details/org.onionshare.OnionShare

Instaloni OnionShare-in duke përdorur Snapcraft-in: https://snapcraft.io/onionshare

Mundeni edhe të shkarkoni dhe instaloni paketa .flatpak apo .snap të nënshkruara me PGP që nga https://onionshare.org/dist/, nëse doni.

Instalim Flatpak dorazi

Nëse doni ta instaloni dorazi OnionShare-in me Flatpak duke përdorur paketë njëkartelëshe të nënshkruar me PGP, këtë mund ta bëni kështu:

  • Instaloni Flatpak-un duke ndjekur udhëzimet te https://flatpak.org/setup/.

  • Shtoni depon Flathub, duke ekzekutuar flatpak remote-add --if-not-exists flathub https://flathub.org/repo/flathub.flatpakrepo. Edhe pse s’do ta shkarkoni OnionShare-in prej Flathub-i, OnionShare nga disa paketa që mund të kihen vetëm prej andej.

  • Shkoni te https://onionshare.org/dist/, zgjidhni versionin më të ri të OnionShare-it dhe shkarkoni kartelat .flatpak dhe .flatpak.asc.

  • Verifikoni nënshkrimin PGP të kartelës .flatpak. Për më tepër hollësi, shihni Verifikim nënshkrimesh PGP.

  • Instaloni kartelën .flatpak duke kryer flatpak install OnionShare-VERSION.flatpak. Zëvendësoni VERSION me numrin e versionit të kartelës që shkarkuat.

OnionShare-in mund ta vini në funksionim përmes: flatpak run org.onionshare.OnionShare.

Instalim Snapcraft dorazi

Nëse doni ta instaloni OnionShare-in dorazi me Snapcraft duke përdorur paketën Snapcraft të nënshkruar me PGP, këtë mund ta bëni kështu:

  • Instaloni Snapcraft-in duke ndjekur udhëzimet te https://snapcraft.io/docs/installing-snapd.

  • Shkoni te https://onionshare.org/dist/, zgjidhni versionin më të ri të OnionShare-it dhe shkarkoni kartelat .snap dhe .snap.asc.

  • Verifikoni nënshkrimin PGP të kartelës .snap. Për më tepër hollësi, shihni Verifikim nënshkrimesh PGP.

  • Instaloni kartelën .snap duke ekzekutuar snap install --dangerous onionshare_VERSION_amd64.snap. Zëvendësoni VERSION me numrin e versionit të kartelës që shkarkuat. Kini parasysh se duhet të përdorni –dangerous, ngaqë paketa s’është nënshkruar nga shitorja Snapcraft, po ju verifikuar nënshkrimin e saj PGP, pra e dini se është e ligjshme.

OnionShare-in mund ta vini në punë me: snap run onionshare.

Vetëm për rresht urdhrash

Mundeni të instaloni thjesht versionin “rresht urdhrash” të OnionShare-it në çfarëdo sistemi operativ, duke përdorur përgjegjësin e paketave Python, pip. Ndërfaqe rreshti urdhrash ka më tepër informacion.

FreeBSD

Edhe pse nuk zhvillohet zyrtarisht për këtë platformë, OnionShare mund të instalohet në FreeBSD. Mund të kihet përmes koleksionit të bartjeve, ose si paketë e montuar paraprakisht. Nëse vendosni ta instaloni dhe përdorni OnionShare-in në një sistem operativ FreeBSD, ju lutemi, mbani parasysh se NUK mbulohet zyrtarisht nga projekti OnionShare.

Edhe pse nuk ofrohet dhe mirëmbahet zyrtarisht nga zhvilluesit e OnionShare-it, paketa dhe bartjet FreeBSD sjellin dhe verifikojnë kodet burim prej depos zyrtare OnionShare (ose paketat zyrtare të hedhjeve në qarkullim nga PyPI). Nëse doni të kontrolloni ndryshime të lidhura me këtë platformë, ju lutemi, shihni burimet vijuese:

Instalim pkg dorazi

Që të instaloni paketën dyore, përdorni pkg install pyXY-onionshare, ku pyXY specifikon versionin Python për të cilin qe montuar paketa. Pra, për të instaluar OnionShare për Python 3.9, përdorni:

pkg install py39-onionshare

Ka gjithashtu një version Vetëm për rresht urdhrash të OnionShare-it, si paketë e paramontuar. Nëse doni të instaloni atë version, zëvendësoni py39-onionshare me py39-onionshare-cli.

Për informacion shtesë dhe hollësi rreth paketave të paramontuara FreeBSD, ju lutemi, shihni te ndarja për pkg te Doracaku zyrtar.

Instalim bartjeje dorazi

Për të instaluar një bartje FreeBSD, ndryshoni drejtorinë në ports collection që duhet ta keni shkarkuar më parë dhe ekzekutoni sa vijon:

make -s -C www/onionshare all install clean

Koleksioni i bartjeve ofron gjithashtu një bartje enkas për versionin Vetëm rresht urdhrash të OnionShare-it. Zëvendësoni www/onionshare me www/onionshare-cli, nëse doni të instaloni atë version.

Për informacion dhe hollësi shtesë rreth koleksionit të bartjeve FreeBSD, ju lutemi, shihni pjesën për bartje, te Doracaku zyrtar.

Verifikim nënshkrimesh PGP

Se paketa që shkarkoni është e ligjshme dhe s’është prekur mund ta verifikoni duke verifikuar nënshkrimin PGP për të. Për Windows dhe macOS, ky hap është opsional dhe jep mbrojtje të thelluar: dyorët OnionShare përmbajnë nënshkrime specifike për sistemin dhe mund të bazoheni thjesht në këto, nëse do të donit.

Kyç nënshkrimesh

Paketat nënshkruhen nga zhvilluesi kryesor, i cili është përgjegjës për hedhjen përkatëse në qarkullim. Ja hollësi kyçesh GPG për secilin nga zhvilluesit kryesorë të OnionShare-it:

Që të verifikoni nënshkrime, duhet të keni të instaluar GnuPG-në. Për macOS gjasat janë t’ju duhet GPGTools, ndërsa për Windows me gjasa ju duhet Gpg4win.

Nënshkrime

Nënshkrimet (asi kartela .asc), si dhe paketa për Windows, macOS, Flatpak, Snap dhe paketa burim mund të gjeni te https://onionshare.org/dist/ , në dosjet e emërtuara për çdo version të OnionShare-it. Mund t’i gjeni edhe në faqen GitHub të Hedhjeve Në Qarkullim.

Po verifikohet

Pasi të keni importuar në vargun tuaj të kyçeve GnuPG kyçet publikë të zhvilluesve bazë, shkarkuar dyorin dhe nënshkrimin .asc, mund të verifikoni dyorin në një terminal, në këtë mënyrë:

Për Windows:

gpg --verify OnionShare-win64-2.6.msi.asc OnionShare-win64-2.6.msi (Windows 64-bit)

Për macOS:

gpg --verify OnionShare-2.6.dmg.asc OnionShare-2.6.dmg

Për Linux:

gpg --verify OnionShare-2.6.flatpak.asc OnionShare-2.6.flatpak (Flatpak)

gpg --verify onionshare_2.6_amd64.snap.asc onionshare_2.6_amd64.snap (Snap)

dhe për kartela burim:

gpg --verify onionshare-2.6.tar.gz.asc onionshare-2.6.tar.gz

Ajo çka pritet duket pak a shumë kështu:

gpg: Signature made Mo 10 Okt 2022 02:27:16 CEST
gpg:                using RSA key 927F419D7EC82C2F149C1BD1403C2657CD994F73
gpg: Good signature from "Micah Lee <micah@micahflee.com>" [unknown]
gpg:                 aka "Micah Lee <micah.lee@firstlook.media>" [unknown]
gpg: WARNING: This key is not certified with a trusted signature!
gpg:          There is no indication that the signature belongs to the owner.
Primary key fingerprint: 927F 419D 7EC8 2C2F 149C  1BD1 403C 2657 CD99 4F73

Nëse s’shihni Good signature from, mund të ketë një problem me pacenueshmërinë e kartelës (dashakeqe ose jo) dhe s’duhet ta instaloni paketën.

WARNING: i shfaqur më sipër s’është problem me paketën, thjesht do të thotë se s’keni përcaktuar një shkallë “besimi”” për kyçin PGP të Mikas (zhvilluesi kryesor).

Nëse doni të mësoni më tepër rreth verifikimit të nënshkrimeve PGP, mund të jenë të dobishëm udhërrëfyesit për Qubes OS dhe Projektin Tor .